الحمد لله جات في الحديد
نجاة أحمد بتشان من الموت بعد تعرضة لحادث مرورى
نجا المطرب أحمد بتشان من الموت بعد تعرضه لحادث مروع، بينما تهشمت سيارته نتيجة التصادم.
ونشر أحمد بتشان صورًا من الحادث عبر صفحته على موقع التواصل الاجتماعي الفيس بوك قائلا: يمكن دي أول مرة أتكلم في حاجة زي دي ودي مش أول مرة بس حقيقي مبقتش فاهم في ايه يعني كل لما ابقى مبسوط شوية وتحصل حاجة كويسة في حياتي سواء نزول اغنية او احتفال بعيد ميلادي او اي مناسبة لازم يحصلي حاجة بعدها والحمدلله اللي ربنا بيقدرني عليه بعمله ومن غير تفكير ومن غير متكلم علي حاجة زي دي عشان دي حاجة بيني وبين ربنا".
أول ليلة فراق
أضاف أحمد بتشان : الحمدلله ربنا نجاني وأنا الحمدلله كويس والحمدلله أنها جت في الحديد وأن ربنا سترها معايا وربنا يحفظ الجميع ويبعد عننا أي شر، والحمدلله علي كل شيء وأنا راضي جدًا بكل حاجة بتحصلي وده اكيد كرم من ربنا عليا عشان كان ممكن يحصلي حاجة اكبر من كده".
كان أحمد بتشان طرح منذ أسبوع واحد أحدث أغنياته بعنوان "أول ليلة فراق" كلمات أحمد عبد العزيز وألحان وتوزيع ومكس وماستر يوسف حسين وإنتاج مشترك بين نجوم ريكوردز وهاي واي وإشراف وتنفيذ ياسر خليل.
