بعد مرور 33 سنة على إنتاجه
كيف ستخرج سماح أنور من مطب الـ1.6مليون جنيه ضرائب عن مسلسل ذئاب الجبل
فجرت الفنانة سماح أنور مفاجأة من العيار الثقيل بالحجز على أموالها لصالح مصلحة الضرائب مقابل 1.6 مليون جنيه، عن أعمال سابقة منها مسلسل ذئاب الجبل عام 1998، الذى تقاضت فيه مبلغ 40 ألف جنيه.
وفى يونيو 2009، أمر رئيس محكمة جنح التهرب الضريبى، بإحالة أوراق القضية المقامة ضد كل من الفنانة سماح أنور إلى مصلحة الضرائب لإنهاء طلب التسويات المقدم من المدعى عليها، وذلك بعد أن كشفت مصلحة التهرب الضريبى عن وجود متأخرات ضرائب على الفنانة سماح أنور بقيمة 600 ألف جنيه وقتها لم تقم بإثباتها فى الدفاتر أو فى الإقرارات الضريبية الخاصة بها، فتمت إحالة القضية إلى النيابة وإحالتها إلى محكمة التهرب الضريبى التى قدمت أمامها سماح أنور طلبا لتسوية المتأخرات الضريبية، فتمت إحالتها مرة أخرى إلى مصلحة الضرائب لإنهاء المتأخرات.
وفى منشور لها على صفحتها الشخصية على موقع التواصل الاجتماعى فيس بوك وجهت سماح أنور شكوى لرئيس الجمهورية قالت فيها: المشكلة يا ريس .. ان حضرتك عايز الناس كلها تقوم و تشتغل و تبدع...لان فعلا هو ده طريقنا الوحيد للتغيير ... كل في مجاله و نبطل تنظير ... بس الموضوع مش سهل و لا متسهل .... و للاسف الشديد ... مش لكل المصريين و لا حاجة يافندم .
المشكلة يا ريس .. انك ما بتفكرش غير في الشباب و الفقرا و دول علي عينينا و راسنا و الله العظيم ما قلنا حاجة غير ايوة بقي و اخيرا
بس فيه ناس هم اللي شايلين البلد علي كتافهم اسمهم الطبقة المتوسطة سابقا و حاليا المغضوب عليهم من كل ناحية ... من الدولة اولا لانها لا توفر لهم اي شئ و تاخذ منهم كل شئ و ادي لحضرتك إثبات مش مجرد مثال .. الطبقة المتوسطة دي كلها مهن حرة .
مصلحة الضرائب
وتابعت سماح أنور : بمعني اصح بالمصري الدارج اسمها طبقة الارزقجية .. دول تلاقيهم في كل المجالات مهندسين و محامين و فنانين و دكاترة ... الخ .
دول بقي الضرائب بتبهدلهم حتي وهم مابيشتغلوش بالسنين.. انا عن نفسي محجوز علي في الضرايب بمبلغ مليون و 600 الف جنيه عن مسلسل عملته القرن اللي فات اسمه ذئاب الجبل اجري كله فيه كان 40 الف جنيه قبل الضرايب و الحناكيش اياها ... و مقدرين 500 الف جنيه ضرايب عن هذا المسلسل و لما اعترضت قالولي ادفعي و بعدين اعترضي .. ملحوظة: انا مش عايزة حل و لا واسطة ...انا بس باحكي شئ حصل معايا بجملة العبث اللي بيحصل مع ناس كتير مش انا بس، باقي المبلغ المقدر جزافيا المليون و 100 ألف جنيه عن شغلي من سنة 1998 حتي 2001 .. و النكتة الفاقعة هنا اني كنت بره مصر لمدة الـ 3 سنين دول بالذات علشان كنت عاملة حادثة اقعدتني تماما عن العمل لمدة 11 سنة و غربتني خارج وطني اجريت خلالها 42 عمليه .. ملحوظة : لم اعالج ابدا علي حساب الدولة مش بس انا لا و كل اهلي يعني و لا ابي و لا امي و لا عائلتي بالكامل من يوم ما اتولدوا لحد ما ماتوا.
