يرفض التلامس
كوافير الفنانين يعلن إعتزال المهنة بسبب «شعر» أسماء جلال
قرر"زاين"، مصفف شعر الفنانات، الابتعاد عن المهنة بسبب الفنانة أسماء جلال، حفاظاً على قناعاته الدينية والشخصية، ليبدأ رحلة جديدة نحو تحقيق الذات والرزق الحلال، ولكن بعيدا عن الحرام وأن يمس إمرأة لا تحل له.
وقال في صفحته على موقع التواصل الإجتماعي "تيك توك"، "الموضوع بدأ لما كنت بسرح لـأسماء جلال شعرها وبعدين روحت البيت وقعدت مع نفسي وقلت طيب وبعدين أخرتها أه، أنا اللي بعمله ده حرام ولا حلال قعدت أبحث لقيت حديث للنبي صلى الله عليه وسلم بيقول فيه "لأن يطعن أحدكم بمخيط من حديد خير من أن يمس إمرأة لا تحل له" رواه الطبراني".
ويكمل "زاين": قلت أنا أه اللي بعمله في نفسي ده، تخيلت إني بمس أسماء جلال وغيرها من الممثلات طول الوقت، كل يوم، وقلت أنا لازم أسيب الشغل ده، بالفعل أخدت قرار ومشيت بطريقة حلوة، وقررت إني أعمل براند تي شيرت، حاجة أتاجر فيها بالحلال، كفاية لحد كدة شغل في الوسط الفني، وأبدأ الحاجة اللي كان نفسي فيها من زمان، وعملت براند "زاين".
الراجل يغض بصره
وجاءت التعليقات: من ترك شيئا لله عوضه الله، وعلقت أخرى ادعموه ياجماعة واحد عاوز يبعد عن الوسط ده لازم نقف جنبه، وكتب حساب تحت إسم آية"بفرح لما اشوف لسة في حد صغير بيحاسب نفسه وحاطط الدين في أول اعتباراته كدة"، وكتبت هبة"حقيقي فخورين بيك موووووت"
وكانت الفنانة أسماء جلال قد تصدرت محركات البحث ومواقع التواصل الاجتماعي مؤخرا، بعد احتفالها بعيد ميلادها الذي لفت الأنظار، ووُصفت هذه إطلالتها فيه بـ"الخطيرة" والمثيرة، وقال البعض أنها أبرزت جمالها وأناقتها.
لترد أسماء جلال على المهاجمين قائلة "الست تلبس زي ماهي عاوزة، والراجل يغض بصره"، ليهاجمها المحامي المعروف أحمد مهران على صفحته في الفيس بوك قائلا: أيوة صح الفنانة أسماء جلال بتقول الراجل يغض بصره، علشان ربنا قال كده، والست تلبس براحتها عـ ـريان علشان ربنا ماقالش كده، هو كلام ربنا حسب مزاج أووماك، يطبق على الرجال، لكن الستات لأ، عايزة الراجل يغض بصره يبقى تلبسي الحجاب وتغطي جسـ ـمك وتطبق كلام ربنا (وقرن في بيوتكن ) وبعدين نغض البصر.
