بكره إسرائيل
بكره إسرائيل.. وكل اللي خان مسيرتنا
بكره إسرائيل.. واللي قال السلام معاها فرصتنا
وكل اللي صدق السلام على طريقتها
بكره كامب ديفيد.. واكره وادي عربة
بكره الإبراهيمية واللي ماشي بطريقتها
جمال قالها كلمة.. وهي كلمة
سلامنا سلام وجود
مش اتفاقية وحدود
وخريطة مرسومة
محفورة بدم الجنود
بكره إسرائيل..
وكل إيد ليها ممدودة
من أنقرة الرديئة وأبو ظبي اللئيمة
واللي كان عايش معاهم ف الخيمة
والدار البيضا أم نجمة
واللي راسم علينا العفة
وجده ورطنا في بلفور
والمقاوم اللي قاعد ف القصور
واللي حاضن كوهين في خيمة المنامة
والدوحة ذات الردائين عليها ميت علامة
واللي ساكن في بيروت ورام الله
وقاعد يجعجع ضد المقاومة
بكره إسرائيل
بكره إسرائيل
وبحب رودلف ونصر الله
وبحب السنوار وعطا الله
وجورج وعبد الله
وجرجس ومينا ومريم
وكل من ماتله شهيد وحمد الله
وكل مسيحي ويهودي ومسلم
يقول بكره إسرائيل
باسم حزب الله.. وأنصار الله
وجند الله.. وبسم الله
بكره إسرائيل
باسم الشهيد اللي معرفوش
وحب الوطن وكره إسرائيل
على نعشه منقوش
باسم الشهيد اللي معرفوش
في غزة وربوع فلسطين
والمصري اللي ع الحدود
وجنوب لبنان رمز الصمود
واليمني أبو الرجال
والمقاوم اللي حافظ العهود
بكره إسرائيل
ولو كرهها خطيئة
يارب اغرق في الخطيئة
ولو كرهها ذنب
يارب زود ف ذنوبي
ولا تغفر لي ده الذنب
ولو حبيتها وحبها جنة
يارب أوعى تدخلني الجنة
أنا عاصي.. ومش ناوي أتوب
عن كره إسرائيل
على كفني اكتبوا "بيكره إسرائيل"
وبعد الفاتحة والقرآن
وطلب الرحمة من الرحمن الرحيم
شغلوا غنوة شعبان عبد الرحيم
بكره إسرائيل
انا بكره إسرائيل
